Sprengiefnisþjófurinn loksins kominn í leitirnar

Þjófurinn gripinn glóðvolgur. Laganna verðir eru vel kunnugir sjónvarpsþáttum þeim sem hann kemur fyrir í og áttu því í engum vandræðum með að bera kennsl á hann þegar þeir sjáu hver var að verki. Alþingismenn voru flemtri slegnir og héldu að sléttuúlfurinn hafi ruglast á sér og veghlauparanum því þeir eru stundum jafn fljótir og veghlauparinn nær að hlaupa undan honum að hlaupa undan ábyrgð á eigin mistökum......

Dularfulli sprengjumaðurinn sem gerði allt vitlaust á höfuðborgarsvæðinu á dögunum er fundinn.
Um er að ræða karakter sem hefur mjög gaman af því að elta vegahlaupara, en í fyrstunni var lengi talið að um venjulegann mann væri við að etja.
Fljótlega fóru tvær grímur að renna á ríkislögreglustjóra og lögreglunni fór að finnast að hún væri að glíma við ofurefli.
Í ljós kom hins vegar eftir að vitni greindu frá því að hafa séð sjakala eltandi vegahlaupara að skýring var komin á því hvað í ósköpunum gengi eiginlega á - tilgangurinn með sprengiefnaþjófnaðinum hafi verið sá að sprengja fyrir vegahlauparanum svo að vegahlauparinn dytti í sprungu og sléttuúlfurinn gæti náð honum.
Um er að ræða einn alræmdasta og frægasta vegahlaupara veraldar, Road Runner, sem sléttuúlfurinn náði þó á endanum.